BG Port 桌遊港

講完網遊點解會無啦啦講返卡，係因為網上面好多人都會用promo卡的習慣，如果有人想上網打時，最好先了解 promo卡的能力，所以今次主要圍繞果3張promo卡殷介紹。

 

Promo 1 Dimona Odinstar – 傳奇的唔知點用騎士
Dimona係一個比較少人用的召喚師黎，因為佢出的時候未有太多卡可以配合，有新卡出時，又有另外兩個promo搶鏡，所以佢比較少人用，但唔係難用。

佢17血，雖然比較少，而5個battlefield是在平均值之中，前場不算太突出，但佢有5個spellboard，係果時係一個好好的優勢黎，而召喚師能力可以再起多一隻自己的怪，其實係新卡出左時係一件強力的事來，表示可以隨時再起一隻死神打多次，係非常強力的攻勢。

另外佢專用卡rayward knight，功能就簡單好多，無論佢身上幾多exhaust token，recovery stage全清，就是說佢比人放姆多token，佢都會無視，而且3攻3血，係暫時卡pool入面偏高值，但召喚佢只要3個basic resource，性價比黎講係非常好的事。

如果砌這個騎士，筆者其中一個玩法係可以玩下expand energy黎配合鐵犀牛，配合埋抽卡的ready spell，可以好快focus 2到犀牛，咁就可以打犀牛陣，一隻大力犀牛衝完再用召喚師能力再衝多次。

 

Lulu firststone – 精兵的兩波終結者
同唔知點用騎士唔同，lulu一開始比唔知點用騎士更慘，因為無人研究。主要的問題係佢battlefield太少，只有4，其實係難去駕馭，不過佢有21血作為補償，其實不難去處理。

而佢的專用卡 Phoenix barrage可以說是暫時遊戲中單體殺怪最穩定的卡，扣一隻怪4血，再扣對方召喚師2血，如果配合living doll，可以扣對方召喚師5血，係一個強力的輸出工具。

而砌這個召喚師，最好就係，細兵海，mist spirit加埋蜘蛛，台面有4隻就唔理地一波打過去，因為召喚師能力係幫自己全場加1攻，4隻mist spirit就8度心口，2隻mist spirit 加2隻蜘蛛就10度心口，記得開turn後手，你會打完一波8度再1波6度，對面差唔多死，而你會有好多工具可以補尾刀。

 

Orrick Gilstream – 成日出現的方丈
第三個promo係成日出現的方丈，因為佢個人3圍唔錯，19血，5個battlefield，4個spellboard，而能力係用2粒骰就可以重骰4色骰，雖然一定要用4色骰deck，但變化其實好大。

而佢的專用卡 Gobi Sunshield，係一個麻煩的十八銅人，雖然要4粒骰，但2攻5血，仲要回3，仲要反擊時可以唔放exhaust token，就好似美國隊長咁講 I can do this all day，防禦強怪。

方丈deck，其實唔洗講太多，因為佢所以砌法都適用，但唔會有太專門的打化，不過佢可以好似個騎士喧玩犀牛陣，但比騎士，佢更加輕鬆，因為佢可以打多對面幾粒骰，召喚犀牛比較輕鬆。