BG Port 桌遊港

作者：迷失的花火

Phoenixborn即將推出新骰(獅子同馬仔)，作為phoenixborn的重度收集狂，當然要介紹新野直接介紹佢地的骰同埋佢地的卡啦

〈Divine Magic:神要拯救同打救你的力量〉

Divine Magic，簡稱獅子骰，佢官網講係一種保護同審判的力量，用獅子骰的卡好多都會係保護自己的怪或者直接殺人地的怪，暫時聽落好直接的拳頭交，一方面保護自己的怪，另一方面直接拆人地場黎比自己的怪打phoenixborn，聽落比較傾向比新手易上手，或者係比喜歡戰鬥的玩家使用

獅子骰效果:將粒骰放在自己其中一隻怪上，如果果隻怪隻怪會受到修害，則可將該骰放入exhausted pool來預防2點傷害，而如果直到下回合(turn)該怪無受到傷害，則要將怪上的骰放入exhausted pool

係效果上，獅子骰的擋傷效果好高，現在phoenixborn中，唔計裝備卡影響下，最高輸出力的怪係扣了5血的死神(6攻擊力)同hammer knight(4攻擊力)，不過前者要做到5傷害而不死係件好難的事，而hammer knight的4攻擊力，係獅子骰的效果中，只要一隻3血的怪物就可防到傷而不死，初時，感覺好強力，但後面見到turn的字眼，即時見到plaidhatgame對遊戲平衡的掌握，骰子效維持一turn，對面做完1main action 1side action，獅子骰就無效，避免一放獅子骰上去隻怪就自動加2血的不平衡情況，以及不能隨便放骰黎檔傷，感覺唔錯的設計

〈Sympathy power: 我相信自己的卡組〉
Sympathy power簡稱馬仔骰，睇完官網介紹，我的反應係，我可以學遊戲王的武藤遊戲講出果句咁中二的台詞，講到每場卡同自己都有聯繫，唔通玩插自己一下，人地都會先自插幾下的搞笑野，如果咁樣，會好好玩的自殘遊戲，不過感覺如果係咁的玩法，可能馬仔骰係比對Phoenixborn有一定認識的人先會易上手

馬仔骰的效果:抽1將牌，然後必須將1張手牌放在牌組上方或下方
聽落其實遊戲開局係意義不明的效果，因為Phoenixborn的手牌一開始係自己選擇，所以一開始好好少會用這骰子的效果，但到後面，其實會有奇效，當補充手牌抽唔到想要的卡時，你可以用這效果增加抽到將要的卡牌的機會而不會縮少自己牌組的數量，變相6張牌可以選擇，其實效果上不錯，但每次要一粒骰成本其實都偏高，比獅子骰更要考慮使用的時機。

講完新的遊戲骰子,當然就要介紹新召喚師。最近plaidhatgame出左新擴的卡牌介紹， 雖然每個擴都暫時只介紹2張卡，但這4張都可以將佢地骰(或者佢地代表的勢力)的能力表現出黎。話不多說，繼續睇落去吧。

〈Odrtte Diamondcrest:想打我的兵，小心我打返你〉

Odrtte Diamondcrest本身有5個位放怪，4個魔法位，合乎現在遊戲大環境的需要，而佢的能力，報復的威力其實好強大，幫自己的怪檔傷時，放2個傷害token上去攻擊怪上， 雖然只能放在一隻上，但因為不是damage，所以係不能用魔法如protection來阻止， 而2傷係現在的環境中，同打到殘血差不多，所以對面不會無考慮而攻勢你的怪，但本身Odrtte Diamondcrest只有17血，其實偏少，所以想用報復作為主要手段現階段做不到，而如果Odrtte Diamondcrest報復唔到， 佢有什麼手段，可以睇下一張卡，可以將獅子骰的理想盡現。

〈Sword of virtue: 拯救你或打救你都係我話事〉

這篇文遲左出街係因為見到這張卡後筆者講左癡線二字講到唔想打文，2 basic resource就出到，一出直接斬一隻怪或將將自己的怪回滿加再起動，又再打獲甘的，偏低的消耗，但做到比青蛙骰的melt gold更強大的效果，而且無任何死角，可以話係強大，而如果要救自己的怪，這張卡可說是非常有效，直接移除傷害token， 而且可以將疲勞token移除， 只能講未知其他卡的情況下， Odrtte Diamondcrest的火力只能以超絕來形容。

Odrtte Diamondcrest 現在的資料比出黎的感覺係， 我係要同你打拳頭交，而我自己都會打埋一份， 配合Sword of virtue的效果， 進攻斬死你的怪， 防守時救返自己的盾， 可攻可守，係一個強大的角色，筆者覺得， 要應付佢，要開始放d取消效果的卡，會唔會令大家執deck時的方向。

〈Namine Hymntide: 小心我唱歌〉

Namine Hymntide 比起上面Odrtte Diamondcrest 要多1個怪獸位，如果不看效果，其實感覺會勁過Odrtte Diamondcrest 。但一看效果，筆者表示你想點玩啊，平靜的歌聲，用一個音符可以抽一張卡的確係可以有效增加同對方的手牌順差黎增加優勢，但如果要封對方召喚師就要放多一個疲倦指示物，就是說你要封人效果時，你下個phases係用不了自己效果，雖然可以有效阻止到如Jessa或Brennan的直接傷害，但變相要封自己技能一次，會用足整個效果的機會其實唔多，但只有17血的情況下，好多時為左安全起見都只做抽卡的果個效算。

〈Encore: 你想再黎多次，OKAY〉

直接D講,這張卡的能力好強,用一個action就可以墓地回收放上牌組頂或底，之後再抽一張卡，你等於同人講，理論上我可以熔金你6次，多謝你18血先一樣。張卡的靈活性，比Sword of virtue更大，因為佢係講card一字，所以可以任何卡牌都可以回收，就是說不用怕自己改骰而自己掉左張key卡，容錯率大大增加(雖然筆者一定係用佢黎回收熔金黎淋對家6次頭就是了)。

做一做少少總結先，雖然每個擴只有卡介紹，但可見plaidhatgame又在平衡上做左好多功夫，兩個召喚師效果其實唔錯，但避免失平衡，都增加左發動效果的難度如血量少或要封自己兩個phases咁，筆者越黎越期待有什麼新卡會出。