BG Port 桌遊港

新卡介紹Laying Down the Law及The Song Remain the Same

星期一Phoenixborn有新卡出左，有時間當然會介紹下。話不多說，直入正題。
Laying Down the Law: 我未死得

今次Laying Down the Law主要係介紹回復手段，證明左獅子骰唔單純係強攻，,而係可攻可守。

〈Heal: 你唔一turn殺左我?多謝，再黎多次〉

Heal聽到個名都知效果，一係就直接回滿一隻場上怪物的血或是回復自己召喚師2血。聽落好似好普通，但副行動出的牌，而只需要一粒level2 的獅子骰，其實成本好平，而且因為副行動，你可以之後再用主行動出卡或者打返對面(筆者唔會用你講我第一個想法係用黎救puppet黎扣對手血同卡人場)，基本上如果鍾意戰鬥類，這張基本上必入。

〈Shield Mage: 我幫你做坦〉
Shield Mage要一粒Level 3獅子骰，聽落好貴，但佢其實好有用，副行動放疲倦標示物開效果，其他自己場上怪多1血。多左1血，自己場上怪物又係難死左，淨1血後，又被Heal返D血，對面可以之後要思考如何一次攻擊可以打多過3血以上(筆者不說我打算用佢同果2隻自殘怪一齊玩可以玩得好開心)

〈Law of Sight: 唔好旁門左道，我們光明正大打一場〉

這張卡其實好簡單，就是一出場，你抽兩張卡，但之後雙方都不能出reaction spell。基本上，張卡是同你說，我在場時你不要ice trap我的怪，我做卡效你唔好阻我，我斬左你的怪你唔好final cry我或同蜘蛛咬我，我打你你唔好好痛打我一巴或者求饒。換句話黎講，新手恩物，初入坑就比reaction spell搞哭就唔好，比大家set好個場我先慢慢打你(筆者反而表示，這卡克死左旁門左道的復仇王子)

〈The Song Remain the Same: 同命相連，我死你都死〉

〈Shatter Pulse: 我要你一隻同我陪葬〉
這張reaction spell卡用途其實好簡單，你死左怪後，選擇一隻怪同佢一齊死，之後再選擇一位玩家按你選擇下轉兩粒骰面。聽落好似好攻擊向，但其實這卡，攻擊以及防守都倏得好到位，人地如果放左puppet落你到，你可以炸左puppet再炸對手一隻怪，如果打死你的怪，又可以叫人一齊死一死，而轉骰方面，可以唔target對手，自己都可以，雖說3粒骰偏貴，但如果馬仔有回骰手段，筆者覺得可以使用。

〈Guilt Link: 你同我同罪，我死你都死〉
這卡個人覺得同馬仔骰的主題最夾，等於同人講，我有事你都唔係好得去邊。自己召喚師受到傷害時可發動，放一個傷害標記(唔係損傷，所以檔傷的reaction 同ready spell無用)去目標怪或者召喚師上，如果要防止這卡效，要拆自己一隻怪或是一張ready spell。雖然筆覺得這卡同某復仇王子夾d，但此卡主要係要等佢focus 到2下先有最大火力，不過在馬仔骰抽卡能力方面可以期待的情況下，此卡應該可以好快focus到，故此好有期待。

〈String Mage: 我係黎派餅的〉
用1隻馬Lv3跟Lv2音符來叫佢出場的怪，雖然攻擊力只有1，其實不高，但佢副效果非常強勢，副行動中不需要疲憊就可以發動，將別人的任何標示物移去自己，或是相反地由自己移去其他目標上，在封殺需要用指示物的怪做效果或加攻的怪來說，行強(死神及蛇對住佢只能說再見)，另外亦可以阻止對面扣血殺死puppet來迫對面扣血(或是一定要讓對方比多兩粒骰來殺puppet，2回復力表示只要不死，就可以將所有傷害回復的高回復力，所以非常強力(筆者不說自己fun play會放去這怪到，然後每turn派毒，有福同享，有難同當)

總結一下，今次兩邊出的卡上，獅子不出預期地出了回復以及阻止對抗防礙的手段，好難唔去估佢下一輪會出強力的怪以及召喚怪。而馬仔方面，今次出的卡好著錯控場以及控制指示物的分派，如無意外，我估下輪會係較多阻礙對方build engine 的卡