BG Port 桌遊港

''Conjure a horde of creatures to fight for you, then strike from out of the swirling Mists with Aradel Summerguard!'
今次要講的召喚師比較易上手， Aradel Summerguard，一個新手入門非常建議的召喚師。佢係core set中算係一個非常易用的角色，而且佢pre-set deck都算非常強力，新人就用佢玩就最好，deck都可以唔洗點砌，所以今次 召喚師深度介紹就完啦......講笑，唔會咁簡單的。

先講講優點。Aradel Summerguard最大特點係8個battlefield，姐係可以召喚8隻怪黎打，係好可怕的先天優勢，整好個兵海就可以慢慢打。而且佢有4個spellboard，其實係唔會係選擇魔法卡時有好大問題。另外佢的召喚師能力非常簡單，就係用一塊葉扣一隻怪2血，基本上隻game暫時唔多怪高過3血，所以可以好平地殺對面一隻怪是一件好事。

而卡組上，佢的專用卡，blue jaguar，又係一張好用的召喚獸，佢在場可以用1粒骰令對手的獸出場時疲勞，變相令對手的速度拖慢。而卡組中的butterfly monk係 藍色骰中唯一可以回血的召喚獸，基本上係大熱。除此，卡組中亦有卡可以打對手怪的魔法卡，令對方的怪獸弱化，從而可以有效控場。

不過 Aradel Summerguard有個問題，佢的血量為16，在召喚師中第二少血，而且佢主要用的骰係藍色，回血手段比較缺乏。

如果係新手入門的話玩 Aradel Summerguard，有以下要點可以注意
一， Aradel Summerguard係要玩藍色骰為主，配合一至兩種其他骰來玩
二，需要有好多unit guard來守護 Aradel Summerguard以及負責攻擊的獸，所以butterfly monk 同guilder係會入到盡
三，召喚獸可以4種，因為有大量空間召喚怪，而且可以入D攻擊力高的怪入去，因為藍色骰係有高攻擊力的獸，可以參考
四，同海賊叔叔一樣傷害轉移的卡都要用，如redirect，咁就可以令自己死的機會減少
五，因為自己的優勢要怪累積到才可以發揮，所以怪的選擇要在於容易召喚的方向考慮
六，藍色骰有直接傷害的魔法卡可以放到入卡組就放。