BG Port 桌遊港

作者：界靈Alexis

又到聖誕，又到聖誕，下個聖誕無今年咁嘆… 如果依隻唔鐘意…咁就依隻啦…差不多冬至，一早一晚還是有雨… Anyway，界靈係度預祝大家聖誕/補祝大家冬至快樂…話說臨近聖誕，又有一款萬惡之物推出市場，佢就係最新既Card Game，Star Wars: Destiny…界靈話佢係萬惡之物，除左FFG又一次將Star Wars Fans當成提款機之外，今次依部提款機更加係開足馬力，全力吸金，因為佢係TCG，Trading Card Game…

開始講咩係TCG之前，又同大家講下，大家最經常玩既Card Game，啤牌… 其實大家又知唔知，其實啤牌係源自於吉卜賽人用黎占卜的塔羅紙牌tarot…全套塔羅其實應該有78張牌，首先佢有分成Sword、Ward、Coin、Cup四個Suits，每個suit由1至10，再加King、Queen、Jack、Knight，合共56張，稱為Minor Arcane的紙牌之外，佢仲有22張，由Magician開始，去到The Fool的Major Arcana…係…即係你睇Jo Jo既時候，見到的白金之星、白銀戰車…tarot入面既Minor Arcana，刪除左Knight依張牌，成為一套52張，現代常用既啤牌，至於Major Arcana，就簡化為兩張The Fool鬼牌…啤牌可以講係現代最常用賭具，係各大小賭場都會見到佢…而且玩法亦都層出不窮…下次再有機會時再同大家介紹下…

卡牌其實可以話係不少board game都具備的配件，用途亦都係層出不窮…一般來說都會係用於替代骰仔，作為一個運氣factor，影響遊戲進度…不過要講TCG，無論如何，有兩個名字一定要提一提，分別係Richard Garfield同埋由佢創作，第一套集玩式卡牌遊戲，魔法風雲會，Magic the Gathering…

相信老一輩既玩家都會知道，超級邪惡的Magic the Gathering係咩一會事…遊叔模擬兩個Wizard，透過五大地形，抽取魔力Mana，施放不同的魔法及召喚不同的魔物進行戰鬥，先將對手體力降至零者為勝…就咁睇落去，Magic似乎無太大殺傷力，咁只係因為佢吸金魔力，單從規則中不容易發現…表現上，每個玩家只需要一套60張的卡牌，就可以進行遊戲，問題就係呢一套60張的卡牌，玩家可以自行從以千計算的不同卡牌之中自行挑選組裝，不同的戰略需要不同的卡牌…卡牌源自於廠商推出的不同expansion booster，每個booster有15張，其中一張係rare卡，三張係uncommon…其餘則係common牌…玩家為左實現自己心目中的戰略，就會需要不斷的抽booster，以收集本身需要的卡牌，同時，為左維持戰鬥力，廠商每一次推出新expansion的時候，玩家就要第一時間追入新expansion的booster pack…

由於Magic the Gathering於推出之後，發展成為全球性受歡迎的遊戲，當年Richard Garfield成立的Wizard of the Coast，每推出一個expansion就等同印銀紙一樣…某一些極稀有的卡牌，更加可以炒上數百，甚至數千美元…

Once upon a time，界靈也是一個magic the gathering的player…wotc曾經係香港時代廣場舉行過一次大型比賽，邀請來自亞洲各地高手雲集香江作賽，界靈亦有幸參與，並一路戰至四強階段，是當時本地人打到最前的名次…要維持這一個水平的戰鬥力，單是技術並不足夠，還是必需要實實在在地燒錢…

由於TCG吸金力驚人，當年有不少廠商都有推出TCG，但由於愈來愈多玩家受驚離場，TCG熱潮亦逐步走向尾聲…之後FFG一改TCG，轉為Living Card Game，LCG…關鍵是由TCG每一個booster入面所包含的卡牌屬隨機性質，每包不同的形式，轉為LCG每一盒expansion已經包含了所有的卡牌…讓玩家無需要大量購入booster追卡，相對來說吸金力略為減輕…記住…只是略為減輕…成為了近年Card Game的主流…例如界靈依家都有玩的Lord of the Rings同A Game of thrones，均屬於LCG…

對於TCG，界靈只有一句說話，不可一，不可再… 對於FFG今次以TCG方式推出Star Wars: Destiny…界靈只可以為一眾玩家祈禱… 雖然… 界靈知道，又會有不少玩家墜入TCG深淵…