BG Port 桌遊港

一副小編完全不寄丁點期望，甚至好似現在咁去為呢副遊戲去寫一個分享介紹都無可能既一副遊戲，佢就係Adrenaline。小編有幸被邀請到一個試玩2016 Essen Game既聚會，在早上比較有精神既時候試呢副遊戲，雖然小編對Adrenaline不存寄望，但亦無乜反感，而且KH大神又在現場教授遊戲，所以亦嘗試玩下。 基本上大家上BGG到看呢副遊戲資料，小編亦不想說太多背景或規則。基本上係一班機械人在一個基地困獸鬥，打餐死，鬥多分，完! 聽完係唔係覺得呢副遊戲可以skip呢?的確遊戲行動方式基本上同美式遊戲行打射無乜分別，甚至它的所謂賣點甚麼體驗第一身射擊(第一身射擊我以為好似座起機倉入面去睇，玩這個遊戲XD)，其實只是因為你控制一個角色，你做完兩個動作就到下一位玩家，大家輪流咁去，小編玩過好多戰爭或戰鬥遊戲，基本上呢副遊戲個機制，沒有甚麼特別。

講到咁，隻GAME好似好唔掂喎!不過咁，你睇得呢編文就當然不是啦。首先遊戲是美式主題混一些歐式元素，由於操作方面全是美式所以，無因為歐式部分，而失去原有的主題同刺激感覺，另外遊戲所謂的計數格行同射人(即係好似機戰咁數到盡)，小編認為係無，基本上數嚟都多餘既，因為基地面積都只是4X3格數大，中間分左幾個房咁，基本唔駛數計格仔，你移動後一定見到其中一位對手，所以好爽快。少量歐式部分咪好多餘?絕對不是，反而特別之處就是那少量的歐式部分，令到遊戲比人既感覺，出乎一般美式純打純殺遊戲之外，令遊戲思考上變得有趣。遊戲當中，所有角色基本上無限死，死完再復活，當所有玩家加埋總數死了8次，遊戲盡入last round，然後結束。所有玩家都靠武器卡作出攻擊，不過提醒大家，當受攻擊，是沒有甚麼防禦回避之類的機制，武器卡說要扣多少就要受多少傷害，而遊戲每張武器卡都是不同，小編在此不說武器卡與其操作系統了。而遊戲最重點亦係最有趣的地方係玩家塊player board和拿分方式，請大家看看每個玩家的player board，有分數的，另外每位玩家有他們自己顏色的damage token(水滴外型)，damage token不是自己受傷就mark到自己的playerboard，而係當你攻擊他人時，他人受多少傷害，你就用多少自己的damage token mark到他人的player board上，你看看玩家的player board，當放damage token放到有骨頭的標記時，角色就會死亡，然後計死亡的player 的board上的分數(8,6,4,2,1)，再復活，一個角色可以給幾個人傷害，而最特別是計分，是身上受那一個玩家傷得最多，那個玩家就獲得最高分，其次拿第二多分，如此類推，那你就明白為何要放自己顏色的damage token在敵人身上，這是歐式元素，是用血量做的Dominant，亦增加左比一般戰鬥遊戲有趣的地方，遊戲有幾項Dominant分，小編不多說，只是用血量做Dominant這一點真是遊戲比較特別的一個地方，亦令到趣味大大提高。

遊戲整體感覺，小編形容，除了普通一隻戰鬥遊戲，但當中給玩家有投資成分感覺在當中，只是變相用自己的彈殼(damage token)射入我投資既股分當中，而當我投資不夠時，我就要可能追住隻流動股，打入我的彈殼，好運的話，我還可以有收拾別人的額外獎勵。另外當角色死亡時，會減一個最高分數(原本一個角色8分是最高，但死了一次後，8分就會消失，最高變為是6分)，所以變得無甚麼吸引力，這樣亦是不希望所有玩家只攻擊一家。基本上遊戲好簡單，爽快刺激同適當地投資，不要過分追擊一隻股份，留彈殼比其他，更不要怕死，因為不在前場你拿分更少，而且當你受傷到某程度，你的角色會多一些方便的力能。 如果大家喜歡美式遊戲，或不反感，真的去試試，有驚喜。(今次小編比較白話文D)