BG Port 桌遊港

作者 ：迷失的花火

其實由The War Within完左第一場後，開始有人對鳳凰會有興趣，私底下都會問筆者，副deck要點砌先好，筆者見到有咁的反應，即時將自己出文的次序轉一轉黎回應一下，今篇開始起計，會開始介紹砌deck的方法以及會由淺入深去講點樣砌deck，並會有一D deck介紹。

係入正題前，先講少少假設以及限制
一，筆者先會從單色卡組開始講解
二，筆者會假設大家會齊左core&expansion
三，筆者的對象是對小朋友，卡組會相對簡單，不需要思考太多

純色卡組~黑色的阻街防守儀式

先講一講，對比起一開始就介紹如何進攻，反而筆者會喜歡教d小朋友學習如何防守先，Phoenixborn係一隻要看對手反應，你來我往的遊戲。係過程中，如果單純只看攻擊的話，到後面會覺得遇上樽頸而對遊戲的熱情冷卻。所以不希望只會識攻或守而不知道如何作出反應。

係砌卡組上，你要先想你想做到什麼效果，用怪打死對手?直接效果傷害打死對手?還是令對手無法抽卞扣血而死?先想好自己的方法，開始去想自己牌組的組成。紙上講兵好像無意思，直接開例子最實際。

卡組目的:見到太多只會得一書的Bear deck，想做到阻止你每回合召喚主要怪物，再想方法封你的場，再做到打幾波大傷害而打死對手。

如果要阻人召獸，最簡單係直接封佢書，所以就選有封召喚書能力的Noah Redmoon。其後另一方法係減少骰數，所以Leech Warrior要入場，而要做到不是自己打完扣一粒骰而之後做唔到效果的情況，要想方式自殘，Fire Archer 以及Small Sacrifice要入卡組。之後到真係無法封阻召喚書以及無法減少骰子，就要阻對手battlefield，blood puppet會係首選。其後如果召喚師想做效果，想阻佢就要用Choke黎阻止。

其後開始可以思考攻擊手段，Small Sacrifice的情況可以穩定自殘，所以Dread Waith需要入場。而如果場上有好多淨一血的怪，可以用最快方式處理的，就係Crimson Bomber，自爆殺3隻，之後如果對方有隻大怪出場，係現在情況無法殺死，就要想方法阻止佢攻擊，Blood Chain可以阻止到1-6個回合，所以可以入。

但以上方法會死好多怪，所以要阻止空場及避免無怪係手，Summon Sleeping Widows 以及Bound Soul需要係卡組出現，另一方面，死太多怪的關係，Final Cry發動的機會太多了，無可以不入。

如果按照上面思考方式，會選擇11種卡，而每種卡入3張會突3張卡，所以開始要看哪張卡要用入3張。

主要打法的卡不可以少過3張，但最後手段塞對手怪獸場的方法以及阻對手的召喚師效果其實對戰局影響不大，所以Choke以及Summon Blood Puppet 可以少一張。另外係防守方面此卡組比較著緊，所以不能減少死神，Summon Sleeping Widows，Blood Chain 以及Final Cry數量，而執墓地的需要在對手後期慢了的起手，需要性無初時想的大，所以Bound Soul可以少1。

單純的想法，就可以砌到以下的卡組:

卡組名:阻街的死神
召喚師:
Noah Redmoon

骰子
Ceremonial Magic X10

卡牌
Summon Sleeping Widows X3
Final Cry X3
Bound Soul X2
Blood Chain X3
Choke X2
Summon Blood Puppet X2
Summon Dread Wraith X3
Small Sacrifice X3
Crimson Bomber X3
Fire Archer X3
Leech Warrior X3

Conjuration
Sleeping Widow X6
Blood Puppet X5
Dread Wraith X2

當然，之後你砌完需要試deck，才知道需要什麼位置的改善，所以需要約戰，但其實砌卡組，你第一步，其實係要想你想如何打，之後再想如何卡與卡之間的互動，之後就要試卡組。